ЦХИНВАЛ, 19 июл — Sputnik. Хуссар Ирыстоны президент Бибылты Анатолий бафыста указ, цӕмӕй снысан кӕна Тедеты Вадимы Тыбылты Александры номыл Хуссар Ирыстоны Паддзахадон Университеты (ХИПУ) ректорӕй, хъусын кӕны паддзахады сӕргълӕууӕджы пресс-службӕ.
"Зонадон-педагогон кусджыты, ӕндӕр кусджыты минӕвӕрттӕ ӕмӕ Тыбылты Александры номыл Хуссар Ирыстоны Паддзахадон Университеты ахуыргӕнинӕгты Конференцийы уынаффӕмӕ гӕсгӕ, скъуыддзаг кӕнын 2018 азы 6 июлы: снысан кӕнын Тедеты Ботазы фырт Вадимы Тыбылты Александры номыл Хуссар Ирыстоны Паддзахадон Университеты ректорӕй", — дзырдӕуы президенты указы.
Амӕйразмӕ, 6 июлы, Тедеты Вадимы ногӕй равзӕрстой университеты ректорӕй — йӕ кандидатурӕ йын хорзыл банымадтой сусӕг хъӕлӕсдӕттыны рӕстӕджы ХИПУ-йы ахуыргӕнджытӕ ӕмӕ студентты конференцийы 255 хайадисӕгӕй 245.
Фыццаг хатт Тедеты Вадимы равзӕрстой ХИПУ-йы ректорӕй 2013 азы июлы.
