Кремлев: Гасситы Мурӕт ӕмӕ Александр Усикы хыл уыдзӕн 2018 азы ДЧ-ы финалӕй хуыздӕр

© Евгения НовоженинаМурат Гассиев и Александр Усик - открытая тренировка в Москве
Мурат Гассиев и Александр Усик - открытая тренировка в Москве - Sputnik Хуссар Ирыстон
Бафыссын
Yandex newsTelegram
Боксы Ӕппӕтдунейон суперсерийы финалон хыл Гасситы Мурӕт ӕмӕ Александр Усикы хсӕн ацӕудзӕн Мӕскуыйы спортивон комплекс "Олимпийский"-йы 21 июлы.

ЦХИНВАЛ, 19 июл — Sputnik. Боксы Ӕппӕтдунейон суперсерийы финалон хыл Гасситы Мурӕт ӕмӕ Александр Усикы хсӕн уыдзӕн футболы дунейы чемпионаты финалӕй хуыздӕр, загъта цыппӕрӕмы журналисттӕн Уӕрӕсейы Боксы Федерацийы генералон секретарь Умар Кремлев, хъусын кӕны РИА Новости.

WBSS-ы финалон хыл Гасситы Мурӕт ӕмӕ Александр Усикы хсӕн ацӕудзӕн Мӕскуыйы спортивон комплекс "Олимпийский"-йы 21 июлы.

"Нӕ къухты бафтыд, цы нӕ фӕндыд, уый. Суперсерийы финал уыдзӕн Боксы боны размӕ. Дыууӕ номдзыд боксер фембӕлдзысты рингыл Мӕскуыйы 21 июлы. Ацы тох баззайдзӕн историйы, уӕрӕсейаг тох кӕндзӕн дунейы абсолютон чемпионы ном райсыны тыххӕй. Сымах федтат футболы дунейы чемпионаты финал, ацы тох уыдзӕн ноджы хуыздӕр", — загъта Кремлев.

Хуыцаубоны Уӕрӕсейы фӕцис футболы дунейы чемпионат. Финалы мӕскуыйаг стадион "Лужники"-йы Францийы командӕ рамбылдта Хорватийы 4:2 хыгъдӕй.

Ног хабӕртты лентӕ
0