ЦХИНВАЛ, 20 июл — Sputnik. Хуссар Ирыстоны президент Бибылты Анатолий ӕввахс рӕстӕджы ацӕудзӕн Сиримӕ официалон балцы, хъусын кӕны республикӕйы Фӕсарӕйнаг хъуыддӕгты министрады (ФСМ) пресс-службӕ.
Балц бацӕттӕ кӕнынмӕ Дамаскмӕ майрӕмбоны ацыд фӕсарӕйнаг хъуыддӕгты уагдоны сӕргълӕууӕг Медойты Дмитрий.
"Медойты Дмитриимӕ сты Фӕсарӕйнаг хъуыддӕгты министрад ӕмӕ президенты администрацийы кусджыты къорд, кӕцытӕ фӕцӕуынц Сиримӕ, цӕмӕй бацӕттӕ кӕной РХИ президент Бибылты Анатолийы официалон балц, кӕцы уыдзӕн ӕввахс рӕстӕджы", — дзырдӕуы хъусинаджы.
Сири банымадта Хуссар Ирыстон ӕмӕ Абхазы хӕдбардзинад 29 майы. Уый размӕ хуссарирыстойнаг республикӕйы хӕдбардзинад банымадтой Уӕрӕсе, Никарагуа, Венесуэла ӕмӕ Науру.
