Ӕнӕмӕнгхъӕугӕ процедурӕ: чи ӕмӕ цӕмӕн ракалдта бӕлӕстӕ Стыр парчъы

© Sputnik / Наталья АйриянБольшой парк Цхинвал
Большой парк Цхинвал - Sputnik Хуссар Ирыстон
Sputnik корреспондент сбӕрӕг кодта, Цхинвалы Стыр парчъы цӕмӕн ракалдтой бӕлӕстӕ

ЦХИНВАЛ, 20 июл — Sputnik, Уалыты Диана. Цхинвалы цӕрджытӕ хъаугъа кӕнынц Хуыбылты Валерийы номыл горӕттаг парчъы бӕлӕсты ракалыны тыххӕй.

Парчъы территори рагӕй у афтид ӕмӕ скӕрдӕг ис. Ацы аз ӕй нывӕндынц сцалцӕг кӕнын Хуссар Ирыстоны райрӕзты инвестицион нывӕзты фӕлгӕтты, ныридӕгӕн ракалдтой бӕлӕстӕ ӕмӕ сыгъдӕг кӕнынц чъизи бынӕттӕ.

© Sputnik / Наталья АйриянЦхинвалы Стыр парк
Большой парк Цхинвал - Sputnik Хуссар Ирыстон
Цхинвалы Стыр парк

Хуссар Ирыстоны Арӕзтады министрады сӕргълӕууӕджы хӕдивӕг Гаглойты Сергейы ныхӕстӕм гӕсгӕ, бӕлӕсты ракалд парчъы у ӕнӕмӕнгхъӕугӕ процедурӕ.

"Куыстытӕ иууылдӕр ӕрӕмдзых кодтой Цхинвалы администрациимӕ. Ракалдтой рынчын ӕмӕ ӕрдӕг хус бӕлӕстӕ. Уым дзы ис ахӕмтӕ, кӕцыты сӕр бахус ис ӕмӕ тынг дымгӕйӕ гӕнӕн ис ӕмӕ искӕуыл ӕрхауа. Ног бӕлӕстӕ ныссадздзысты сентябры, ныр та нын ис фадат, цӕмӕй ссыгъдӕг кӕнӕм тӕссаг бынӕттӕ", — загъта уый.

Гаглойты Сергей банысан кодта, зӕгъгӕ, парчъы цалцӕг кӕныны куыстытӕ фӕуыдзысты азы кӕрӕттӕм. Нывӕндынц сцалцӕг кӕнын цад, саразын спортивон зонӕтӕ, шахматты клуб ӕмӕ ӕндӕртӕ.

Октябры уынг - Sputnik Хуссар Ирыстон
Октябры уынджы цæрджытæ рацыдысты гималайаг кедртæ ракалыны ныхмæ

Дендролог Къӕбулты Зауыр, кӕцы хайад исы бӕлӕстӕ ракалыны фӕдыл уынаффӕйы, сфидар кодта министры хӕдивӕджы ныхӕстӕ.

"Бӕлӕстӕ, кӕцыты гӕнӕн ис сӕндидзын кӕнын, мах, кӕй зӕгъын ӕй хъӕуы, нӕ ракалдзыстӕм. Ракалд бӕлӕстыл ныридӕгӕн цыд 80-90 аз, ӕмӕ сӕ ныууадзын уыд тӕссаг. Бирӕ хус бӕлӕстӕ дзы ис, кӕцытӕ тынг дымгӕты рӕстӕджы ӕнцонтӕй цъӕл кӕнынц", — бахахх кодта Къӕбулты Зауыр.

Афтӕ ма уый банысан кодта, зӕгъгӕ, генералон нывӕзтмӕ гӕсгӕ хъуамӕ ныссадзой ног бӕлӕстӕ.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала