ЦХИНВАЛ, 23 июл — Sputnik. Хуссар Ирыстоны президент Бибылты Анатолий атахт Дамаскмӕ йӕ фыццаг официалон балцы, фехъусын кодта паддзахады сӕргълӕууӕджы администраци.
Балцы рӕстӕджы Бибылты Анатолий ауадздзӕн баныхас Сирийы президент Башар Асадимӕ ӕмӕ бафысдзыӕн ӕмгуыстад ӕмӕ хӕлардзинады фӕдыл бадзырд Хуссар Ирыстон ӕмӕ Сириаг Арабаг Республикӕйы ӕхсӕн.
Хуыцаубоны, 22 июлы, Хуссар Ирыстоны фӕсарӕйнаг хъуыддӕгты министр Медойты Дмитрий ӕмӕ йӕ сириаг коллегӕ Валид Муаллем бафыстой Дамаскы дыууӕ бӕстӕйы ӕхсӕн дипломатон ахастытӕ сфидар кӕныны фӕдыл бадзырд.
Сири банымадта Хуссар Ирыстон ӕмӕ Абхазы хӕдбардзинад 29 майы. Уый размӕ хуссарирыстойнаг республикӕйы хӕдбардзинад банымадтой Уӕрӕсе, Никарагуа, Венесуэла ӕмӕ Науру.
