ЦХИНВАЛ, 23 июл — Sputnik. Хуссар Ирыстоны барадхъахъхъæнæг органтæ сгарынц 63-аздзыд нæлгоймаджы мæлæты уавæртæ. Нæлгоймаджы мæрдон буар ссардтой йæ хæдзары, хъусын кæны Хуссар Ирыстоны мидхъуыддæгты министрады пресс-службæ.
Горæты Плиты Иссæйы (раздæры Островскийы) уынгыл, 49 хæдзары нæлгоймаджы мæрдон буар ссарыны тыххæй хъусинаг мидхъуыддæгты министрады горæты хайадмæ æрбацыд сабаты, 21 июлы.
"Цауы бынатмæ ацыдысты Мидхъуыддæгты министрады сгарæн-оперативон къорды æмæ генералон прокуратуæйы фæдагурджытæ. Радгæсон фæдагурæг федта æнамонд цауы бынат", — банысан кодтой МХМ-йы.
Уагдоны бафтыдтой, сгæрст уадзы Мидхъуыддæгты министрады горæттаг управлени.
