Хуссарирыстойнаг "Кафт" райста Болгарийы Ӕхсӕнадӕмон фестивалы гран-при

© Sputnik / Ольга МихаилидиАнасмбль "Кафт" в Болгарии
Анасмбль Кафт в Болгарии - Sputnik Хуссар Ирыстон
Рафыссын
Сывӕллӕтты кафджыты къорд рамбылдта сӕйраг хорзӕх "Адӕмон хореографи"-йы номинацийы

ЦХИНВАЛ, 23 июл — Sputnik, Уалыты Диана. Цхинвайлаг кафджыты ансамбль "Кафт" Хуссар Ирыстоны сгуыхт артисткӕ Майя Четионы къухдариуӕгадӕй рамбылдта кафджыты аивады Ӕхсӕнадӕмон конкурс-фестиваль "Розы обзора"-йы гран-при "Адӕмон хореографи"-йы номинацийы. Къорды, кӕцы сарӕзтӕуыд дыккӕгӕм скъолайы, фӕхуыдтой фӕззӕджы, ӕмӕ уыцы рӕстӕг уыдон сӕхи цӕттӕ кодтой фестивалмӕ. Скъолайы директор Ольга Михаилидийы ныхӕстӕм гӕсгӕ, балц Болгаримӕ сӕххӕст РХИ президент Бибылты Анатолийы ӕххуысы фӕрцы.

Хыгъдон концерт кафджыты студийы Кафт - Sputnik Хуссар Ирыстон
Концерт Цхинвалы: кафы "Кафт"

"Стыр бузныг нӕ президентӕн, фестивалы хайад райсын нын кӕй баххуыс кодта, уый тыххӕй. Афтӕ ма бузныг стӕм нӕ Турчы диаспорӕйы минӕвӕрттӕй, кӕцытӕ фембӕлдысты къордыл аэропорты ӕмӕ сын Болгарийы онг балц бафыстой. Ӕрбаиу стӕм ӕнӕхъӕн дунейӕ ӕмӕ алцыдӕр рауад тынг хорз", — банысан кодта Михаилиди.

Ансамбль бацӕттӕ кодта цымыдисон программӕ, кӕцыйы фӕлгӕтты акафыдысты "Симд", "Хонгӕ", "Лирикон кафт", "Абхазаг" ӕмӕ "Кӕрдтимӕ кафт". Скъолайы директор бахахх кодта, зӕгъгӕ, фӕстаг кафт ӕвӕрынӕн сын баххуыс кодта Национ банкы директор Зассеты Феликс.

Рог Кафт - Sputnik Хуссар Ирыстон
Хыгъдон "Кафт"

"Майя Четион ӕмӕ йӕ ӕвзонг кафджытӕ бакодтой егъау куыст, кӕцыйы фӕрцы мах райстам ахӕм фӕстиуджытӕ. Сӕйраг хорзӕхӕй дарддӕр ма сывӕллӕттӕ райстой бирӕ ӕндӕр призтӕ ӕхсӕйнаг конкурсты", — бахахх кодта Михаилиди.

Майя Четионӕй дарддӕр ма ансамблы кусынц хореографтӕ Джиоты Къоста, Бестауты Ирма ӕмӕ Кӕркуысты Алена.

Ӕрвылазон Ӕхсӕнадӕмон фестиваль Болгарийы уагъд цӕуы алыгъуызон адӕмты культурӕ бавӕрын ӕмӕ райрӕзыны нысанӕн.

Ног хабӕртты лентӕ
0