ЦХИНВАЛ, 24 июл — Sputnik. Росгвардийы кусджытӕ систой Теркӕй 31-аздзыд нӕлгоймаджы, кӕцы ӕгӕр дард баленк кодта доны ӕмӕ райдыдта дӕлдон кӕнын, хъусын кӕны Цӕгат Ирыстоны Росгвардийы пресс-службӕ.
Цау ӕрцыд Теркы ауазӕны цур, цы ран ис Росгвардийы пост. Уыдонмӕ бадзырдта ӕвзонг лӕппу ӕмӕ фехъусын кодта, йӕ ӕмбӕлттӕй иу кӕй дӕлдон кӕны.
"Нӕлгоймаг ӕгӕр дард баленк кодта ӕмӕ йӕ дӕлдон гуылфӕн райдыдта ауазӕнтӕм хӕссын. Ӕвзонг лӕппу фӕцӕй мард йӕ ӕнӕрхъуыды мийы тыххӕй", — радзырдтой уагдоны пресс-службӕйы.
Нӕлгоймаг загъта бузныг Росгвардийы кусджытӕн кӕй йӕ фервӕзын кодтой, уый тыххӕй ӕмӕ фидарӕй загъта, йӕхи дзӕбӕх кӕй хаты ӕмӕ йӕ медицинон ӕххуыс нӕ хъӕуы.
