ЦХИНВАЛ, 24 июл — Sputnik. Хуссар Ирыстоны президент Бибылты Анатолий Сирийы уӕлдӕр ахуырады министр Атеф Наддафимӕ ӕмӕ Цытджын караулимӕ сӕвӕрдта венок хуссарирыстойнаг тырысайы ахорӕнты ӕфсӕддон мемориалыл, кӕцы у нывонд сириаг солдаттӕн, кӕцытӕ амардысты алыгъуызон тохты, хъусын кӕны паддзахады сӕргълӕууӕджы пресс-службӕ.
Бибылты Анатолий уыд музейы залы дӕр, цы ран уымӕн ӕмӕ Хуссар Ирыстоны делегацийӕн ауагътой экскурси. Президент ныууагъта фыст Цыты чиныджы.
Хуссар Ирыстоны делегаци президенты сӕргълӕудӕй ис Сириаг Арабаг Республикӕйы (САР) официалон балцы.
Дысон ацыд Бибылты Анатолий ӕмӕ САР президент Башар Асады официалон фембӕлд. Дыууӕ бӕстӕйы президенттӕ бафыстой ӕмгуыстад ӕмӕ хӕлардзинады фӕдыл бадзырд.
