Хуссар Ир хизы цифрæйон телефидиуæнмæ

© Fotolia / MarcociannarelРука с пультом напротив телевизора
Рука с пультом напротив телевизора - Sputnik Хуссар Ирыстон
Рафыссын
Ногдзинæдты фæрцы æппæт республикæйы территорийыл скусдзæн Националон телеуынынад цифрæйон форматы, цæгатирыстойнаг "Осетия – Ирыстон" æмæ 20 уæрæсейаг телеканалы

ЦХИНВАЛ, 25 июл — Sputnik, Плиты Фатимæ. Хуссар Ирыстоны паддзахадон телеканал "Ир" хизы цифрæйон телефидиуæнмæ. Уыимæ иумæ республикæйы территорийыл скусдзæн ноджы 21 каналы цифрæйон форматы, фехъусын кодта Sputnik Бастдзинад æмæ массон коммуникациты комитеты сæрдар Джиголаты Хасан.

Битарты Вячеслав - Sputnik Хуссар Ирыстон
Битарты Вячеслав: Дзæуджыхъæуы ног телеуынынад æвдисдзæн Хуссар Иры цард

Нырмæ Хуссар Иры куыста æрмæстдæр аналогон телеуынынад, арæх дзы цыд зыгъуыдтытæ, цæй фæстиуæгæн-иу цæрджытæ хъаст кодтой бынæттон телеканалы техникон куыстæй. Республикæ кæронмæ цифрæйон телефидиуæнмæ ахиздзæн 2019 азы, фæлæ аналогон телеуынынад дæр йæ куыст дарддæр кæндзæн 2022 азмæ, цæмæй зæронд телевизорты хицæуттæ æнæ алæвæрдтæй ма баззайой.

"2018-2019 æзты Инвестицион нывæзты фæлгæтты Хуссар Ир рахиздзæн цифрæйон телефидиуæнмæ. Августы крон фæнд кæнæм дыууæ базæйон станц скусын кæнын, кæцытæ аххæсдзысты  горæт Цхинвал æмæ Цхинвалы районыл æмæ Ленингорыл. Сентябры эксплуатацимæ ратдзыстæм ноджы æртæ базæйон станцы. Æмткæй нывæзтмæ гæсгæ азы кæронмæ республикæйы цæрджыты 80%-ы  пайда кæндзысты цифрæйон сигналæй", — загъта Джиголаты Хасан.

Телеканал Осетия-Ирыстон скуыста спутникон бастдзинады - Sputnik Хуссар Ирыстон
Телеканал "Осетия-Ирыстон" скуыста спутникон бастдзинады

Уый ма бафиппайдта, нывæзт æххæст куы æрцæуа, уæд Хуссар Иры скусдзæн 22 каналы цифрæйон форматы.

"Ӕвæрд æрцæудзæн æртæ мультиплексы. Иу мультиплексы ис 10 программæйы пакет. Уыдонæй дыууæ ифтонг кæндзысты 20 уæрæсейы каналы ретрансляци, æртыккагы фæрцы та кусдзæн Хуссар Иры паддзахадон телеуынынад "ИР" æмæ Цæгат Ирыстоны канал "Осетия − Ирыстон", — бафтыдта уый.

Цифрæйон телеуынынад скусын кæнынæн 2018-2019 æзты Инвестицион нывæзты æвæрд æрцыд 150 милуан сомы.

Ног хабӕртты лентӕ
0