ЦХИНВАЛ, 25 июл — Sputnik. Хуссар Ирыстоны минӕварад Уӕрӕсейы Федерацийы арвыста тӕфӕрфӕстӕ Грецийы минӕварадмӕ адӕмы амарды тыххӕй хъӕды зынгивӕрзтты фӕстиуӕгӕн, хъусын кӕны минӕварады пресс-службӕ.
"Минӕварады фӕнды, цӕмӕй зианбаййафджытӕ тагъддӕр сӕнӕниз уой ӕмӕ тӕфӕрфӕстӕ ӕрвиты зианбаййафджыты бинонтӕн", — дзырдӕуы хъусинаджы.
Грецийы къуырисӕры ӕрцыд цалдӕр егъау зынгивӕрзты, кӕцыты амӕттӕгты нымӕц схызт 79 адӕймагмӕ, фехъусын кодта РИА Новости. Фӕцӕфуӕвджыты нымӕц у 187 адӕймаджы (164 асджын ӕмӕ 23 сывӕллоны). Бӕстӕйы хуссар-скӕсӕны, Аттикӕйы, расидтысты уӕлвӕткон уавӕр.
