Цхинвалы республикон рынчындонмӕ ӕрбаластой сылгоймаджы мӕрдон буар

© Sputnik / Наталья АйриянБольница
Больница - Sputnik Хуссар Ирыстон
Рафыссын
Барадхъахъӕнджытӕ сбӕрӕг кодтой, уый кӕй у Хуссар Ирыстоны столицӕйы 53-аздзыд цӕрӕг, банысан кодтой Мидхъуыддӕгты министрады

ЦХИНВАЛ, 27 июл — Sputnik. Цхинвалы цӕрӕг сылгоймаджы мӕрдон буар ӕрбаластой майрӕмбоны райсом раджы республикон соматикон рынчындонмӕ, хъусын кӕны Хуссар Ирыстоны Мидхъуыддӕгты министрады (МХМ) пресс-сулжбӕ.

Рынчындонмӕ ацыд МХМ оперативон-фӕдагуырды къорд ӕмӕ генералон прокуратурӕйы фӕдагурӕг.

"Рынчындонмӕ куы бацыдысты, уӕд сбӕрӕг кодтой сылгоймаг кӕй  у Цхинвалы 53-аздзыд цӕрӕг. РХИ генералон прокуратурӕйы радгӕс фӕдагурӕг ауагъта мӕрдон буары басгӕрст", — дзырдӕуы хъусинаджы.

Уагдоны нӕ загътой горӕты цӕрӕджы мӕлӕты аххосгтӕ ӕмӕ банысан кодтой, зӕгъгӕ, Цхинвалы мидхъуыддӕгты хайад дарддӕр дӕр уадзы басгӕрст.

Ног хабӕртты лентӕ
0