ЦХИНВАЛ, 31 июл — Sputnik. Хуссар ӕфсӕддон зылды ӕфсӕддон авиацийы вертолетты эскадрили ратахт Кавказы хӕхты сӕрты, цӕмӕй хайад райса иумӕйаг тактикон ахуырты Хуссар Ирыстоны, хъусын кӕны РИА Новости Хуссар ӕфсӕддон зылды информаци.
"Хуссар ӕфсӕддон зылды 58-ӕм ӕфсады командӕгӕнӕджы къухдариуӕгадӕй Хуссар Ирыстоны сӕххӕст кӕндзысты сӕ хӕслӕвӕрдтӕ разӕсгарӕн, ракетон, инженерон хайадтӕ, афтӕ ма радиоэлектронон тох, радиацион, химикон, биологон хъахъхъӕнынады хайадтӕ ӕмӕ ӕнӕпилотон тӕхгӕ аппараттӕ дӕр", — фехъусын кодтой пресс-службӕйы.
Иумӕйаг ахуырты хайад райсдзысты дыууӕ мин ӕфсӕддонӕй фылдӕр, афтӕ ма ӕфсӕддон техникӕйы 400 иуӕджы дӕр.
Цхинвалы дыууӕ бӕстӕйы хайадты архайды координацийы фӕдыл бакӕндзысты иугонд командон пункт, кӕцыйы сконды уыдзысты Уӕрӕсе ӕмӕ Хуссар Ирыстоны ӕфсӕдты офицертӕ. Хуссар ӕфсӕддон зылды 58-ӕм ӕфсады хайадты ротӕйы тактикон ахуырты этап ацӕудзӕн полигон "Дзарцъем"-ы 1-15 августы.
