ЦХИНВАЛ, 1 авг — Sputnik. Ивгъуыд къуыри республикӕйы территорийы ссардтой дыууӕ мӕрдон буары, дыууӕйыл дӕр нӕ разынд фыдмарды миниуджытӕ, фехъусын кодта Хуссар Ирыстоны Мидхъуыддӕгты министрады (МХМ) пресс-службӕ.
25 июлы райсомӕй барадхъахъхъӕнджытӕ ссардтой Знауыры районы Исахъыхъӕуы 64-аздзыд нӕлгоймаджы мӕрдон буар йӕхи хӕдзары.
Афтӕ ма Знауыры районы мидхъуыддӕгты хайадмӕ 27 июлы бахӕццӕ хъусинаг, Хъорнисы хъӕуы кӕй ссардтой 83-аздзыд цӕрӕджы мӕрдон буар, нӕлгоймаг дӕр амард йӕхи хӕдзары.
Цауты ӕрмӕджытӕ бадӕттой Знауыры районы прокуратурӕмӕ.
