ЦХИНВАЛ, 1 авг — Sputnik, Козаты Диана. Цхинвалы зынгфӕдисонтӕ ахуыссын кодтой арт, кӕцы фӕцӕй хӕссыд сабидоныл Гафезы уынгыл, радзырдтой Sputnik Хуссар Ирыстоны Уӕлвӕткон уавӕрты министрады (УУМ) пресс-службӕйы.
Зынгивӕрзт, кӕцыйы аххосг та уыд адӕймагон фактор, ӕрцыд ӕртыццӕджы бонӕй. Цауы бынатмӕ ацыдысты дыууӕ зынгфӕдисон хӕдтулгӕйы.
"Цхинвалы хуссайраг кӕроны цӕхӕрадоны зынгивӕрзты фӕстиуӕгӕн арт хӕстӕг бацыд сабидонмӕ. Дымгӕ "аппӕрста" арт агъуысты ӕмбонды сӕрты. Сывӕллӕтты ӕмӕ кусджыты сэвакуаци кодтой агъуыстӕй", — радзырдтой УУМ.
Уагдоны банысан кодтой, зӕгъгӕ, арт хуыссын кӕнынӕн ӕххуыс кодтой бынӕттон цӕрджытӕ дӕр.
