ЦХИНВАЛ, 9 авг — Sputnik. Хуссар Ирыстоны Мидхъуыддӕгты министрады (МХМ) наркотикон буарадтӕм хъусдарды кусджытӕ Убекистаны дыууӕ ӕмбӕстаджы цӕрыны бынаты ссардтой ӕмӕ байстой ӕнӕдымӕн тамакойы буарад "Насвай". Тобӕгонд тамакойы дыууӕ пакет барадхъахъхъӕнджытӕ ссардтой Цхинвалы Кочысаты Розайы уынгыл квартирӕйы уазалгӕнӕны, хъусын кӕны республикӕйы МХМ пресс-службӕ.
"РХИ МХМ экспертон-криминалистон центры басгӕрстмӕ гӕсгӕ уый разынд ӕнӕдымӕн тамакойы буарад "Насвай", кӕцыйы уӕз уыд 99,8 грамм", — банысан кодтой уагдоны.
Буарад ӕвӕрыны тыххӕй барадсӕтджыты фӕивар кӕндзысты фӕйнӕ 30 000 сомы бӕрц "Ӕууилгæ тамако "снюс" ӕмӕ "насвай"-ы æрбаласт, æлхæнын, уæй кæнын æмæ спайда кæныныл тобӕ сӕвӕрыны фӕдыл" законмӕ гӕсгӕ.
