ЦХИНВАЛ, 10 авг — Sputnik, Плиты Фатимæ. Хуссар Ирыстоны Дзауы районы æртæ хъæумæ стыр къæвдаты фæстиуæгæн фехæлдысты фæндæгтæ, фехъусын кодтой Sputnik районы администрацийы пресс-службæйы.
Тæрккъæвда фæласта фæндæгтæ Дзауы районы
© Sputnik / Пресс-служба Дзауского района
Цыппæрæмы тæрккъæвдайы фæстиуæгæн дон фæласта фæндæгтæ Чеселт æмæ Едысмæ, Згъубиры та донивылд аласта хид.
"Бæрзонд хæххон хъæу Згъубирмæ фæндагыл хид фæласта дон, цæрджытæ фесæфтой бастдзинад районимæ. Уавæр бабæрæг кодта районы хистæр Махъоты Уырызмæг, уый радта хæслæвæрд, цæмæй æввахс рæстæджы ацы проблема иуварс æрцæуа", — загъта пресс-секретарь Тедеты Лиана.
Уый ма банысан кодта, ныридæгæн фæндæгтыл кусынц районы цæрæн-комуналон службæтæ.
