Президент арвыста тæфæрфæсы тел Италийы хиды ркалды зианбаййафæг бинонты номыл

© AFP 2022 / Andrea LeoniОбрушившийся мост в Генуе, Италия
Обрушившийся мост в Генуе, Италия - Sputnik Хуссар Ирыстон
Рафыссын
Бибылты Анатолий арвыста тæфæрфæсы тел фыдбылызы бахауæг адæмы бинонтæм – фæстаг информацимæ гæсгæ, уым фæмард 37 адæймаг

ЦХИНВАЛ, 15 авг — Sputnik. Хуссар Ирыстоны президент Бибылты Анатолий батæфæрфæс кодта Генуяйы хиды ркалды рæстæджы фæмардуæвджыты бинонтæ æмæ æввахс адæмæн. Ӕмбæлон телеграммæ паддзахады сæргълæууæг арвыста Италийы президент Серджо Маттареллайы номыл.

"Стыр хъыгимæ райстам æбуалгъ хабар, кæцы æрцыд Генуяйы, кæцы æрхаста бирæнымæц зиæнттæ. Хуссар Ирыстоны разамынад æмæ адæмы номæй тæфæрфæс кæнын фæмардуæвджыты бинонтæн, зианбаййафджытæн та мæ зæрдæ зæгъы æнæниздзинад", — дзырдæуы хъусинаджы.

Автомобилон хид, кæцыйыл цæуы автомагистраль А10, æркалд райсом 14 августы. Уыцы уысм ыл цыдæриддæр хæдтулгæтæ фæцæйцыд, уыдон ахаудтой 70 метры бæрзæндæй. Фæстаг бæрæггæнæнтæм гæсгæ, трагедийы амæттаг баисты 37 адæймаджы.

Ног хабӕртты лентӕ
0