ЦХИНВАЛ, 20 авг — Sputnik. Ирон тхэквондисттӕ сӕхи хорз равдыстой Уӕрӕсейы чемпионаты тхэквондойӕ фӕсивӕды ӕхсӕн U-21, рамбылдтой иу сыгъзӕрин ӕмӕ дыууӕ ӕвзист майдан, хъусын кӕны Цӕгат Ирыстоны спорты министрады пресс-службӕ.
Турнир цыд горӕт Елабугайы (Тӕтӕрстан).
"68 килограмм уӕзы категорийы фыццаг къӕпхӕнмӕ схызт Цакъоты Сӕрмӕт. Ӕвзист майданты хицӕуттӕ ссисты Гуырцъыты Георгий (58 килограмм) ӕмӕ Танделаты Георгий (87 килограмм)", — дзырдӕуы хъусинаджы.
Ерысты фӕстиуӕгӕн ирон тхэквондисттӕ райстой бар Европӕйы чемпионаты хайад райсын, кӕцы ацӕудзӕн ноябры Варшавӕйы.
Спортсменты ерыстӕм цӕттӕ кодтой тренертӕ Авет Оганесянц, Хлойты Тамерлан, Ногъайты Алан, Астан Николов ӕмӕ Рашид Шоров.
