ЦХИНВАЛ, 21 авг — Sputnik. Хуссар Ирыстоны Мидхъуыддæгты министрад хъусын кæны барвæндонæй æнæрегистрацигонд хæцæнгарз радтыны цауы тыххæй, хъусын кæны уагдоны пресс-службæ.
Барадхъахъхъæнæг органты бæрæггæнæнтæм гæсгæ, нæлгоймаг барвæндонæй радта милицийæн Калашниковы автомат(АК-74), афтæ ма йæ нæмгуытæ дæр.
"Горæты цæрæг бамбарын кодта, хæцæнгарз ссардта æмæ йæ барвæндонæй радта йæхи уголовон бæрндзинадæй бахизыны тыххæй", — дзырдæуы хъусинаджы.
Криминалон милицийы кусджытæ сгарынц, куыд бахаудта хæцæнгарз горæты цæрæгмæ, афтæ ма йæ радтыны уавæртæ
МХМ бирæ хатт сидт цæрджытæм барвæндонæй хæцæнгарз, рæмудзæн æрмæг æмæ нæмыг радтынмæ.
