ЦХИНВАЛ, 21 авг — Sputnik. Хуссар Ирыстоны президент Бибылты Анатолий радта Хуссар Ирыстоны адӕмон артисткӕ, поэтесса Галуанты Людмилайӕн чиныджы экземпляртӕ, кӕцы нымыхуыр кодтой йӕ тыххӕй. Паддзахады сӕргълӕууӕгимӕ уыдысты чиныджы автор Хетӕгкаты Оксана ӕмӕ Цӕгат Ирыстоны парламенты депутат Уататы Зелимхан, хъусын кӕны президенты пресс-службӕ.
Чиныджы автор, Хетӕгкаты Оксанайы ныхӕстӕм гӕсгӕ, мыхуырыл куыст райдыдта дыууӕ азы размӕ.
"Чиныгыл куыст райдыдта Галуанты Людмилайы юбилейӕ 8 мӕй раздӕр. Фӕзынд мын финансон зындзинӕдтӕ чиныджы рауадзынимӕ. Фӕлӕ Бибылты Анатолийы финансон ӕххуысы фӕрцы чиныг рацыд мыхуыры", — загъта автор.
Президент банысан кодта, зӕгъгӕ, Галуанты Людмила у цӕвиттон алкӕмӕндӕр, ӕмӕ чиныг йӕ тыххӕй хъӕудзӕн алкӕцы библиотекӕйы дӕр. Афтӕ ма уый банхъардта, цӕмӕй цалдӕр экземпляр балӕвар кӕной республикӕйы скъолатӕ ӕмӕ библиотекӕтӕн.
Поэтессайы зӕрдӕмӕ тынг фӕцыд чиныг ӕмӕ загъта бузныг президентӕн мыхуырӕн кӕй баххуыс кодта, уый тыххӕй.
Чиныджы тираж у 500 экземпляр.
