ЦХИНВАЛ, 28 авг — Sputnik. Хуссар Ирыстоны уӕрӕсейаг ӕфсӕддон базӕйы танкисттӕ ахуыр кӕнынц тох уадзын, Сирийы цы хӕстон фӕлтӕрддзинад райстой, уымӕ гӕсгӕ, хъусын кӕны Уӕрӕсейы Хуссар федералон зылды пресс-службӕ.
Цыппӕрӕм базӕйы танкистты ӕхстытӕ райдыдтой полигон "Дзарцъемы", танкты экипажтӕ скуынӕг кодтой дзырдгонд ныхмӕлӕууӕджы 50 бронемашинӕйы, кӕцыты ссардта разӕсгарӕн къорд хӕхты. Танкисттӕ ӕхстой Т-72Б3 танчы хӕцӕнгарзтӕй 4 мин метр дистанцимӕ.
Дыууӕварсон ротон-тактикон ахуыртӕ ӕхстытимӕ сты танкистты хӕстон цӕттӕкӕнынады сӕйраг этап. Хуссар федералон зылды командӕгӕнӕг, инӕлар-булкъон Александр Дворниковы амындмӕ гӕсгӕ, ахӕм ахуыртӕ уагъд цӕуынц дыууӕварсон форматы.
