ЦХИНВАЛ, 31 авг — Sputnik. Цхинвалы милицийы кусджытӕ ссардтой 13-аздзыд чызджы, кӕцыйы ныййарджытӕ бадзырдтой Мидхъуыддӕгты министрадмӕ (МХМ) йӕ фесӕфты тыххӕй, хъусын кӕны уагдоны пресс-службӕ.
Цхинвалы мидхъуыддӕгты хайадмӕ цыппӕрӕмы изӕры бадзырдта горӕты 43-аздзыд цӕрӕг ӕмӕ фехъусын кодта, йӕ чызг кӕй ацыд хӕдзарӕй ӕмӕ нал ӕрбаздӕхт.
"Оперативон-сгарӕн мадзӕлтты хайад истой Цхинвалы милицийы кусджытӕ ӕмӕ фесӕфӕг ӕнахъом чызджы хиуӕттӕ. Цалдӕр сахатмӕ милицийы кусджытӕ ссардтой чызджы, кӕцы уыд Леуахийы донбыл", — банысан кодтой МХМ.
Чызг бамбарын кодта милицийы кусджытӕн, тезгъо кӕй кодта. Ӕнахъомы радтой йӕ ныййарджытӕм.
