ЦХИНВАЛ, 31 авг — Sputnik. Хуссар Ирыстоны хӕдбардзинад банымадыл 10 азы сӕххӕсты цытӕн президент Бибылты Анатолий схорзӕхджын кодта депутатты майдантӕй "Хуссар Ирыстоны Фыдыбӕстон хӕсты адӕмы уӕлахизыл 10 азы сӕххӕсты цытӕн", хъусын кӕны республикӕйы сӕргълӕууӕджы пресс-службӕ.
Президент схорзӕхджын кодта Хуссар Ирыстоны областон советы XX ӕрсидты адӕмон депутатты, парламенты I ӕрсидты депутатты, афтӕ ма Централон ӕвзарӕн къамисы уӕнгты.
Бибылты Анатолий бахахх кодта, зӕгъгӕ, уыдон сты "Хуссар Ирыстоны паддзахады бындурӕвӕрджытӕ".
"Хуссар Ирыстоны хӕдбардзинад хъахъхъӕнынады хъуыддаджы уӕ активон архайды фӕрцы ныр 10 азы республикӕйы адӕм цӕрынц сабыр ӕмӕ дидинкалгӕ бӕстӕйы, нӕ цард та цӕуы размӕ", — загъта президент.
Хуссар Ирыстоны парламент схъӕлӕс кодта ног хорзӕх саразыны тыххӕй 17 августы. Фыццаг адӕймаг, кӕцы райста ацы хорзӕх, уыд Бибылты Анатолий.
