ЦХИНВАЛ, 4 сен — Sputnik. Хуссар Ирыстоны милицийы кусджытӕ ӕрцахстой Знауыры районы Дидмухайы хъӕуы цӕрӕджы, кӕцы фӕнадта йӕ хӕстӕг сылгоймаджы, хъусын кӕны республикӕйы Мидхъуыддӕгты министрады (МХМ) пресс-службӕ.
Районон мидхъуыддӕгты хайадмӕ куырдиатимӕ бадзырдта Цхинвалы 53-аздзыд цӕрӕг сылгоймаг, кӕцы фехъусын кодта, зӕгъгӕ йӕ йӕ хойы 44-аздзыд ӕмкъай нозтджынӕй фӕнадта, уый фӕстӕ йӕ хӕдтулгӕйыл фӕтары ис цауы бынатӕй.
Оперативон-сгарӕн мадзӕлтты рӕстӕджы ӕмбӕстаджы ӕрцахстой ӕмӕ йӕ ӕрбакодтой Знауыры районы мидхъуыддӕгты хайадмӕ. Хайады кусджытӕ сгарынц цауы ӕууӕлтӕ.
