ЦХИНВАЛ, 7 сен — Sputnik. Хуссар Ирыстоны Уӕлвӕткон уавӕрты министрады (УУМ) уӕлрадон бастдзинады номыр 112 рӕстӕгмӕ нӕ кусы уагдоны агъуысты цур дӕлзӕххон коммуникациты баивыны куыстыты тыххӕй, хъусын кӕны майрӕмбоны УУМ пресс-службӕ.
"Кусджытӕ фехӕлдтой кабель, ӕмӕ уый тыххӕй ныртӕккӕ уӕлрадон бастдзинады номыр 112 рӕстӕгмӕ нӕ кусы. Уый фӕдыл мах алкӕмӕдӕр хатӕм, кӕй хъӕуы ӕххуыс, цӕмӕй фӕдзурой радгӕс хайадмӕ, кӕцыйы номыр у 8 929 810 10 01", — банысан кодтой УУМ пресс-службӕйы.
Уагдоны бафтыдтой, зӕгъгӕ, хахх ныридӕгӕн цалцӕг кӕнынц ӕмӕ 112 номыр тагъд рӕстӕджы ногӕй кусдзӕн.
