ЦХИНВАЛ, 12 сен — Sputnik. Хуссарирыстойнаг республикӕйы президент Бибылты Анатолий раарфӕ кодта Хуссар Ирыстоны адӕмон артисткӕ Гугкаты Эвелинайӕн йӕ 80 азы юбилейы цытӕн, хъусын кӕны президенты пресс-службӕ.
Бибылты Анатолий раарфӕ кодта артисткӕйӕн ӕмӕ йын радта зӕрдылдарӕн лӕвӕрттӕ. Президент банысан кодта, зӕгъгӕ, Гугкаты Эвелинайӕн ис диссаджы стиль, кӕцыйы руаджы уый ссис зындгонд ӕмӕ балхӕдта кӕсджыты зӕрдӕтӕ.
"Ирд ӕмӕ алыгъуызон фӕлгонцтӕ, кӕцытӕ Ды сӕххӕст кодтай дӕ сфӕлдыстадон архайды рӕстӕджы, балхӕдтой адӕмы зӕрдӕтӕ", — загъта президент.
Гугкаты Эвелина загъта бузныг Бибылты Анатолийӕн йӕ арфӕйы тыххӕй ӕмӕ йын йӕ цӕст бауарзта, цӕмӕй йӕ республикӕйы адӕмы хорзӕх уа.
Хуссар Ирыстоны адӕмон артисткӕ Гугкаты Эвелина 50 азӕй фылдӕр архайдта Хетӕгкаты Къостайы номыл Паддзахадон драмон театры сценӕйыл ӕмӕ сӕххӕст кодта сӕдӕ фӕлгонцӕй фылдӕр. Иууыл сӕйрагдӕр ӕмӕ ахсджиагдӕр йӕхи хъуыдымӕ гӕсгӕ уыд спектакль "Леди Макбет"- ы фӕлгонц.
