ЦХИНВАЛ, 13 сен — Sputnik. Ӕртӕаздзыд лӕппуйы хӕдтулгӕ ныццавта ӕртыццӕджы изӕры Цхинвалмӕ бацӕуӕны, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.
Уагдоны банысан кодтой, зӕгъгӕ, сывӕллон велосипедыл раскъӕрдта Цхинвал-Дзау фӕндаджы ӕнӕрухс хаймӕ, цы ран ӕй ныццавта "Лада-Приора" хӕдтулгӕ, кӕцыйы шофыр уыд республикӕйы столицӕйы 36 аздзыд цӕрӕг.
"Медицинон басгӕрст сбӕрӕг кодта, шофыр кӕй уыд ӕрвонг", — фехъусын кодта МХМ.
Республикон соматикон рынчындоны информацимӕ гӕсгӕ, зианбаййафӕг сывӕллоны уавӕр у уӕззау.
