ЦХИНВАЛ, 13 сен — Sputnik. Цхинвалы цӕрӕг нӕ сарӕхст скъӕрын ӕмӕ сарӕзта фӕндагон-транспортон цау (ФТЦ) Цхинвал-Зар фӕндагыл, хъусын кӕны Мидхъуыддӕгты министрады (МХМ) пресс-службӕ.
Цау ӕрцыд ӕртыццӕджы Цхинвал-Зары фӕндаджы фӕндзӕм километрыл Цхинвалы районы Галуанты хъӕуы цур.
"ВАЗ-21310 хӕдтулгӕйыл скъӕрдта Цхинвалы 72 аздзыд цӕрӕг. Уый нӕ сарӕхст скъӕрын ӕмӕ йӕ хӕдтулгӕ афӕлдӕхт", — радзырдтой МХМ.
Афтӕ ма уагдоны фехъусын кодтой, зӕгъгӕ, медицинон басгӕрст сбӕрӕг кодта, шофыр кӕй уыд нозтджын.
Цауы бынатмӕ ацыд Цхинвалы районы мидхъуыддӕгты хайады оперативон-фӕдагуырды къорд. Басгӕрст уадзы районон мидхъуыддӕгты хайад.
