ЦХИНВАЛ, 14 сен — Sputnik. Хуссар Ирыстоны столицӕйы 38-аздзыд цӕрӕг сылгоймаджы ныццавта хӕдтулгӕ, хъусын кӕны республикӕйы Мидхъуыддӕгты министрады (МХМ) пресс-службӕ. Цау ӕрцыд 13 сентябры, Советон ӕмӕ Джиоты Аланы уынджы алвӕндагыл.
"Chevrolet Niva" хӕдтулгӕйы 44-аздзыд шофыр, Цхинвалы цӕрӕг, скъӕрдта Джиоты Аланы проспектыл 5-ӕм скъолайы рдӕм, фехӕлдта фӕндагон змӕлдты фӕтк, фӕзылдта Советон уынгмӕ ӕмӕ баскъӕрдта Цхинвалы 38-аздзыд цӕрӕг сылгоймагыл", — дзырдӕуы хъусинаджы.
МХМ банысан кодтой, зӕгъгӕ, зианбаййафӕг сылгомайджы аластой рынчындонмӕ буары цӕфтимӕ.
Басгӕрст уадзы Хуссар Ирыстоны Паддзахадон автоинспекци.
