ЦХИНВАЛ, 17 сен — Sputnik. Цӕгатирыстойнаг спортсмен Байаты Давид рамбылдта сыгъзӕрин майдан ӕртӕ хатты олимпиаг чемпион Александры Медведы номарӕн ӕхсӕнадӕмон турниры уӕгъдибар хъӕбысхӕстӕй, хъусын кӕны республикӕйы спорты министьрады пресс-службӕ.
Турнир цыд Минскы (Белорусси), ирон спортсмен архайдта 70 килограмм уӕзы категорийы.
"Байаты Давид тынг хорз ахӕцыд турниры, нӕ радта иу балл дӕр йӕ ныхмӕлӕуджытӕн. Финалы рамбылдта азербайджанаг Агагусейн Мустафаевы 10:0 хыгъдӕй", — дзырдӕуы хъусинаджы.
Спортсмены ерыстӕм цӕттӕ кодта тренер Цакоты Илья.
