ЦХИНВАЛ, 19 сен — Sputnik. Хуссар Ирыстоны президент Бибылты Анатолий Республикӕйы боны хӕдразмӕ радта паддзахадон хорзӕхтӕ, хъусын кӕны паддзахады сӕргълӕууӕджы пресс-службӕ.
Юбилейон майдантӕй "Хуссар Ирыстоны Фыдыбӕстон хӕсты адӕмы уӕлахизыл 10 азы сӕххӕсты цытӕн" схорзӕхджын кодта президенты администрацийы сӕргълӕууӕг Козаты Игорь, юстицийы министр Лалыты Зӕлинӕ, культурӕйы министр Зассеты Жанна, Уӕлдӕр тӕрхондоны сӕргълӕууӕг Коцты Олеся, Цхинвалы мэр Коцты Алан, мыхуыр ӕмӕ информаци паддзахадон комитеты сӕргълӕууӕг Хъотайты Мария ӕмӕ республикӕйы ӕндӕр уагдӕтты сӕргълӕуджыты.
Президент раарфӕ кодта алкӕмӕндӕр Паддзахадон тырыса ӕмӕ Республикӕйы боны цытӕн, кӕцытӕ нысан кӕнынц 19 ӕмӕ 20 сентябры.
"Абон схорзӕхджын кодтон разамонджыты, кӕцытӕн сӕ архайды ис ӕнтыстытӕ ӕмӕ ӕвдисынц сӕ коллективтимӕ иттӕг хорз куыст", — загъта президент.
Паддзахады сӕргълӕууӕджы цӕст бауарзта алкӕмӕндӕр хӕрзӕбон ӕмӕ бирӕ ӕнтыстытӕ сӕ куыстыты.
Хуссар Ирыстоны Республикӕйы бон нысан кӕнынц ӕрвылаз дӕр 20 сентябры. Автономон областы адæмон депутатты совет 1990 азы 20 сентябры расидт Советон демократон республикӕ Хуссар Ирыстон Советон Цæдисы сконды. Ацы уынаффæ ссис хæдбардзинад æмæ æхсæнадæмон нымадмæ фæндагыл фыццаг къахдзæфтæй иу.
Уый фæстæ райдыдта дæргъвæтин тох хæдбардзинады сæрвæлтау, кæцы балхынцъ ис 2008 азы хæсты æмæ Хуссар Ирыстоны хæдбардзинад Уæрæсейы 'рдыгæй банымадæй.
