ЦХИНВАЛ, 27 сен — Sputnik. Цӕгат Ирыстоны сывӕллӕтты техникон сфӕлдыстады республикон центры хъомылгӕнинаг Полина Полякова рамбылдта Дунейы ӕмӕ Уӕрӕсейы кубокы этаптӕ авиамодель кӕнынӕй, хъусын кӕны республикӕйы ахуырад ӕмӕ зонады министрады пресс-службӕ.
Ерыстӕ цыдысты Владимиры областы горӕт Суздалы.
"Ерысты фӕстиуӕгӕн Полякова ссис F-1-P классты авиамодельты уӕлахиздзау, афтӕ ма йӕ схорзӕхджын кодтой майданӕй Жуковскийы номыл Централон аэрогидродинамикон институтыл 100 азы сӕххӕсты цытӕн", — банысан кодтой пресс-службӕйы.
Сӕрибар тӕхӕг модельты ерыстӕ уыдысты нывонд Жуковскийы номыл Централон аэрогидродинамикон институтыл 100 азы сӕххӕсты цытӕн.
