ЦХИНВАЛ, 28 сен — Sputnik. Барадхъахъхъӕнӕг органты кусджытӕ дарддӕр дӕр агурынц УФ 21-аздзыд ӕмбӕстаджы — ориентировкӕ арвыстой горӕты ӕмӕ районты мидхъуыддӕгты хайадтӕм, хъусын кӕны республикӕйы Мидхъуыддӕгты министрады (МХМ) пресс-службӕ.
Горӕты мидхъуыддӕгты хайады хистӕр Мӕргъиты Уырызмӕг банысан кодта, зӕгъгӕ, нӕлгоймаджы агурынц республикӕйы столицӕйы, фӕлӕ дзы фӕстиуджытӕ нырма нӕй.
Афтӕ ма фесӕфӕг нӕлгоймаджы агуры оперативон-сгарӕн къорд Знауыры районы.
"Фесӕфӕг нӕлгоймаджы знон ӕмбисӕхсӕвмӕ агуырдтой Знауыры районы хъӕуты. Агуырды хайад райстой Знауыры районы мидхъуыддӕгты хайады 20 кусӕгӕй фылдӕр", — банысан кодта къорды разамонӕг Собаты Азӕмӕт.
Уагдоны бафтыдтой, зӕгъгӕ, ӕвзонг лӕппуйы агурыны ӕххуыс кӕнынц бынӕттон цӕрджытӕ дӕр.
