ЦХИНВАЛ, 1 окт — Sputnik. Хуссар Ирыстоны ӕрцыд авари Цхинвал-Зар фӕндагыл, цауы фӕстиуӕгӕн фӕмард иу адӕймаг, хъусын кӕны республикӕйы Мидхъуыддӕгты министрады (МХМ) пресс-службӕ.
Фӕндагон-транспортон цау (ФТЦ) ӕрцыд абон райсом Цхинвалы районы Додоты хъӕуы цур.
"Цауы бынатмӕ ацыд оперативон-фӕдагуырды къорд, кӕцы сбӕрӕг кодта, Цхинвалы районы Рустауы хъӕуы 55-аздзыд цӕрӕг Honda Airwave хӕдтулгӕйыл Цхинвалӕй Рустаумӕ скъӕргӕйӕ, Додоты хъӕуы цур кӕй нӕ сырӕхст скъӕрын ӕмӕ сфӕлдӕхт", — дзырдӕуы хъусинаджы.
Хӕдтулгӕйы шофыр фӕмард бынаты буары цӕфтӕй. Басгӕрст уадзы Цхинвалы районы Мидхъуыддӕгты хайад.
