ЦХИНВАЛ, 1 окт — Sputnik. Цæгат Ирыстоны паддзахадон филармони Цæгат Кавказы æрыгон артистты ралæудæй райдыдта II æхсæнадæмон фестиваль "Мариинаг Дзæуджыхъæу", хъусын кæны ПТРК "Алания".
Фестиваль цæудзæн къуырийы дæргъы. Йæ программæмæ хаст æрцыдысты симфоникон зарджытæ, оперæ æмæ балетæй скъуыддзæгтæ.
"Цæгат Кавказы æрыгон артистты ралæудæй байгом æппæтадæмон фестиваль "Мариинаг Дзæуджыхъæу". Фестивалы дыккаг хай та аивадуарзджытæ бакастысты балет "Жар-птица"-йы сюитæмæ. Симфоникон оркестрæн разамынад лæвæрдта Гергиты Валерий. Залы азæлыдысты Мариинаг театры хуыздæр хъæлæстæ", — дзырдæуы хъусинаджы.
Бæрæгбоны фæзуат байгом оперæ æмæ балеты театры дæр.
