ЦХИНВАЛ, 3 окт — Sputnik. Хуссар Ирыстоны столицӕйы микрорайон "Хурзӕрин"-ӕй Гуфтайы хъӕумӕ фӕндаджы хай ӕрӕхгӕндзысты 4 октябры ахуырты тыххӕй, фехъусын кодтой республикӕйы Уӕлвӕткон уавӕрты министрады (УУМ) пресс-службӕйы.
"Хуссар Ирыстоны УУМ ахуырты тыххӕй 4 октябры 12.30 — 13.30 сахатыл фӕндаджы хай микрорайон "Хурзӕрин"-ӕй Гуфтайы хъӕумӕ уыдзӕн ӕхгӕд", — дзырдӕуы хъусинаджы.
Дӕнцон ахуыртӕ уагъд цӕудзысты уагдоны арӕзтады юбилейы цытӕн — ацы аз Хуссар Ирыстоны УУМ нысан кӕны йӕ куысты дӕсӕм афӕдзы бон.
