ЦХИНВАЛ, 3 окт — Sputnik. Спортсмен Цӕгат Ирыстонӕй Гаглойты Сослан рамбылдта Уӕрӕсейы чемпионат ӕмхӕццӕ ӕмтохӕдтӕй (ММА) юниорты ӕхсӕн, хъусын кӕны 15-регион.
Турнир цыд Новороссийскы, ерысты хайад райстой тыхджындӕр спортсментӕ Уӕрӕсейы алыгъуызон регионтӕй.
Ирон спортсмен архайдта 65 килограммы уӕзы категорийы. Турниры бӕрзонддӕр хорзӕхӕй дарддӕр Гаглойты Сосланӕн ис фадат хайад райсын дунейы чемпионаты Уӕрӕсейы командӕйы сконды.
Турниры бронзӕйы майдан дӕр райста ноджы иу ирон спортсмен — Сабанты Зауыр (93 килограмм).
Спортсменты ерыстӕм цӕттӕ кодтой Илаты Марат ӕмӕ Карджиаты Махарбег.
