ЦХИНВАЛ, 4 окт — Sputnik, Плиты Фатимæ. Ахуырады министрад монон-фæткæвæрдон нывæзты фæлгæтты Дзауы скъола–интернаты хореографион къордæн самал кодта национ дарæс, фехъусын кодта министрады кусæг Тедеты Алена.
Дзауы скъола-интернат бахъыгдард æрцыд 2014 азы зынгирвæзты, уæд басыгъдысты сывæллæттæн сæ кафæн дарæс дæр.
"Ахуырадон уагдоны кусы хореографион къорд, уыдон ифтонг æрцыдысты кафæн дарæсæй. Формæ бахуыдтой 9 къаййæн, æдæппæттæй 18 комплекты. Сывæллæттæ тынг фæцин кодтой сæ лæварыл", — загъта Тедеты Алена.
Уый ма радзырдта, ахуырады министрад ма ахæм лæвар бацæттæ кодта Ленингоры сывæллæтты хæдзары кафджыты къордæн, уыдонмæ дæр сæ национ дарæс хæццæ кæндзæн æввахс бонты.
Дзауы скъола-интернаты национ дарæс
© Sputnik / Из архива Алены Тедеевой
