ЦХИНВАЛ, 12 окт — Sputnik. Хуссар Ирыстоны Знауыры районы ӕрцыд фӕндагон-транспортон цау (ФТЦ), кӕцыйы фӕстиуӕгӕн зиан баййӕфта хӕдтулгӕйы шофыр, хъусын кӕны республикӕйы Мидхъуыддӕгты министрады (МХМ) пресс-службӕ.
Авари ӕрцыд цыппӕрӕмы, 14.00 сахатыл республикӕйы Знауыры районы Сунисы хъӕуы.
"Цауы бынатмӕ ацыдысты оперативон къорд ӕмӕ Знауыры районы автоинспекцийы кусджытӕ, кӕцытӕ сбӕрӕг кодтой, ВАЗ —2107 хӕдтулгӕйы шофыр кӕй нӕ сырӕхст скъӕрын ӕмӕ ахаудта фӕндагӕй", — банысан кодтой пресс-службӕйы.
ФТЦ фӕстиуӕгӕн шофыры алыгъуызон буары цӕфтимӕ аластой республикон соматикон рынчындонмӕ. Нӕлгоймагӕн бакодтой медицинон ӕххуыс, фӕлӕ дарддӕры хоскӕныныл не сразы ис.
