ЦХИНВАЛ, 15 окт — Sputnik, Козаты Диана. Къуырисӕры ӕмбисбонӕй фӕстӕмӕ сӕхгӕдтой автотранспорты змӕлд Хуссар Ирыстоны столицӕйы цалдӕр уынгыл, фехъусын кодта Мидхъуыддӕгты министрады (МХМ) пресс-службӕ.
Хуссар Ирыстоны нысан кӕнынц ирон литературон ӕвзаджы бындурӕвӕрӕг, нывгӕнӕг, драматург Хетӕгкаты Къостайы райгуырдыл 159 азы сӕххӕст.
Цхинвалы ацы датӕйы цытӕн нывӕндынц мадзӕлттӕ, уыдон рӕстӕджы ӕхсӕнадон фӕтк хъахъхъӕндзысты милицийы кусджытӕ.
"Паддзахадон автоинспекцийы кусджытӕ 12.00 сахатӕй фӕстӕмӕ сӕхгӕдтой Театралон фӕзуат Сталины — Пушкины — Хетӕгкаты Къостайы — Тугъанты Махарбеджы уынгты алвӕндагыл. Афтӕ ма 13.00 сахатӕй фӕстӕмӕ сӕхгӕндзысты фӕндагон змӕлд Пушкины — Лужковы ӕмӕ Пушкины — Джиоты Аланы уынгты алвӕндагыл киноконцертон зал "Чермен"-ы киноныв "Сын Ирыстона"-йы равдысты тыххӕй", — банысан кодтой МХМ.
Уынгты фӕндагон змӕлд рахиздзӕн сӕрмагонд режиммӕ мадзӕлтты фӕстӕ.
