Хуссар Иры сбӕрӕг ис тыхон структурӕты хуыздӕр командӕ мини-футболӕй

Рафыссын
Хуссар Ирыстоны столицӕйы фесты ерыстӕ мини-футболӕй республикӕйы Мидхъуыддӕгты министрады хайадты ӕхсӕн

ЦХИНВАЛ, 16 окт — Sputnik. Ӕртӕ хуыздӕр командӕйы мини-футболӕй сбӕрӕг кодтой республикӕйы Мидхъуыддӕгты министрады (МХМ) хайадты ӕхсӕн турниры, хъусын кӕны уагдоны пресс-службӕ. Фыццаг бынат бацахста Милицийы сӕрмагонд нысаниуӕджы къорды (МСНК) командӕ, кӕцы иу хатт дӕр нӕ фембылд ерысты рӕстӕджы.

Хуссар Иры милицийы кусджытӕ хайад исынц мини-футболӕй турниры - Sputnik Хуссар Ирыстон
Хуссар Иры милицийы кусджытӕ хайад исынц мини-футболӕй турниры

МСНК командӕ турниры рӕстӕджы бауагъта ӕртӕ порти, сӕхӕдӕг та бакодтой сӕ ныхмӕлӕуджытӕн 21 голы. Дыккаг бынатмӕ схызт Тагъд архайды къорды командӕ, ӕртыккаг бынат та бацахста криминалон милицийы командӕ. Турниры уӕлахиздзауты схорзӕхджын кодтой кубоктӕй ӕмӕ грамотатӕй.

Иумӕйагӕй, чемпионы номыл сывӕллӕтты спортивон скъола "Фыранк"-ы базӕйы тох кодтой ӕхсӕз командӕйы. Турнир цыд мини-футболы пропагандӕ ӕмӕ популяризацийы фӕлгӕтты МХМ кусджыты физикон цӕттӕкӕнынад ӕмӕ ӕнӕниздзинад сфидар кӕныны тыххӕй.

Ног хабӕртты лентӕ
0