ЦХИНВАЛ, 16 окт — Sputnik. Хуссар Ирыстоны президент Бибылты Анатолий раарфӕ кодта нырыккон ирон литературӕйы ирд минӕвар, журнал "Фидиуӕг"-ы сӕйраг редактор Хъодалаты Герсанӕн йӕ 80 азы юбилейы цытӕн.
"Литературон дунейы Дӕ фыццаг къахдзӕфтӕ куы райдыдтай кӕнын, уӕдӕй фӕстӕмӕ Дӕ зындгонд куыд поэт, кӕцы бахаста аккаг хайбавӕрд нӕ адӕмы поэтикон хӕзнадонмӕ", — дзырдӕуы арфӕйы, кӕцы ныммыхуыр кодта президенты пресс-службӕ.
Афтӕ ма Бибылты Анатолий банысан кодта Хъодалаты Герсаны редакторон архайд, йӕ куыст ӕхсӕнадон-политикон ӕмӕ литературон-аивадон журнал "Фидиуӕг" бавӕрыны хъуыддаджы.
"Ды бахастай егъау хайбавӕрд ирон классикон ӕмӕ ног литературӕйы уацмысты популяризациймӕ. Сӕйраджыдӕр та, дӕттыс фадат ӕвзонг фыссджытӕ ӕмӕ поэттӕн бахизын стыр литературон цардмӕ, кӕцыты фыццаг уацмыстӕ мах федтам Дӕ журналы фарстыл", — бахахх кодта паддзахады сӕргълӕууӕг.
Президенты цӕст бауарзта поэт ӕмӕ редакторӕн фидар ӕнӕниздзинад, энерги ӕмӕ хӕрзӕбон.
