"Рæстдзинадыл" 95 азы: газеты коллектив исы арфæтæ хуссарирыстойнаг коллегæтæй

© Sputnik / Наталья АйриянДзæуджыхъæу
Дзæуджыхъæу - Sputnik Хуссар Ирыстон
Бафыссын
Yandex newsTelegram
Ирыстоны цæгаттаг хайы рагондæр мыхуыры фæрæзы юбилейон мадзæлтты хайад исынц Хуссар Иры парламенты æмæ мыхуыр æмæ информаци комитеты делегаци

ЦХИНВАЛ, 17 окт — Sputnik, Плиты Фатимæ. Цæгат Ирыстоны газет "Рæстдзинад" бæрæг кæны йæ 95 азы юбилей. Æфсымæрон республикæйы преиодикон мыхуыры фæрæзы юбилейон мадзæлтты хайад исынц Хуссар Иры минæвæрттæ дæр.

Бæрæгбонон мадзæлттæ арæзт цæуынц Ирон драмон театры Дзæуджыхъæуы. Газеты кусджытæ сæмбæлдзысты сæ кæсджытимæ, радзурдзысты сын "Рæстдзинад"-ы хъæздыг историйы, стæй дзы чи фæллой кодта, уыцы адæмы тыххæй.

"Бирæ æзты дæргъы "Рæстдзинад"-ы фæрстыл мыхуыр цæуынц республикæйы царды æппæт ахадгæ цаутæ. Газеты журналисттæ рæгъмæ хæссынц æхсæнады сæйраг проблемæтæ æмæ риссаг фарстытæ. Газеты стыр ахадындзинад ма уый мидæг ис æмæ мадæлон æвзагыл кæй цæуы. Цæгаты бæрæгбон махæн дæр у циндзинад æмæ абон юбилейон мадзæлтты рæстæджы мах дæр стæм нæ цæгаттаг æфсымæрты фарсмæ", — загъта Sputnik мыхуыр æмæ информацийы комитеты сæрдар Хъотайты Мария.

Газет къуыри цæуы 5 хатты. Йæ тираж у 6 мин экземпляры. Мыхуыры фæрæз бацагайы политикæ, социалон-экономикон къабаз, культурæ, спорт æмæ æндæр темæтæ.

Ног хабӕртты лентӕ
0