ЦХИНВАЛ, 18 окт — Sputnik. Цӕгат Ирыстоны столицӕйы цӕрджытӕ знон изӕр банкъардтой зӕххы бын риуыгъдтытӕ — ахӕм хъусинаг фӕзынд социалон хызӕгты. Европӕйаг сейсмологон центр фехъусын кодта, зӕгъгӕ, зӕххӕнкъуысты эпицентр уыд Дзӕуджыхъӕуӕй 58 километр дарддӕр.
Цӕгат Иры ӕрцыд зӕххӕнкъуыст
Цӕгат Иры ӕрцыд зӕххӕнкъуыст
Центры информацимӕ гӕсгӕ, зӕххӕнкъуыст ӕрцыд 18.55 сахатыл. Эпицентры арф уыд 10 километры, зӕххы бын риуыгъдтыты магнитудӕ уыд 4.4 балл.
Уыцы ӕхсӕв, 2.30 сахатыл, ӕрцыд дыккаг зӕххӕнкъуыст, кӕцыйы магнитудӕ уыд 3.5 балл, йӕ арф та фондз километры. Зӕххы бын риуыгъдтыты эпицентр уыд Дзӕуджыхъӕуӕй 36 километр дарддӕр.
