ЦХИНВАЛ, 18 окт — Sputnik. Хуссар Ирыстоны президент Бибылты Анатолий загъта тӕфӕрфӕс Керчы политехникон колледжы рӕмудзӕн ӕрмӕджы фехӕлд ӕмӕ ӕхстыты амӕттӕгты хиуӕттӕн. Ахӕм тел паддзахады сӕргълӕууӕг арвыста Уӕрӕсейы Федерацийы президент Владимир Путинӕн.
"Керчы политехникон колледжы ӕвирхъау трагедийы тыххӕй хъусинаг фӕриссын кодта махӕн нӕ зӕрдӕтӕ. Хуссар Ирыстоны къухдариуӕгад ӕмӕ адӕмы номӕй тӕфӕрфӕс кӕнын рӕмудзӕн ӕрмӕг ӕмӕ ӕхстыты амӕттӕгты хиуӕттӕн, афтӕ ма мӕ зӕрдӕ зӕгъы, цӕмӕй зианбаййафджытӕ тагъддӕр сдзӕбӕх уой", — дзырдӕуы хъусинаджы.
Рӕмудзӕн ӕрмӕджы фехӕлд ӕрцыд ӕртыццӕджы бонӕй Керчы политехникон колледжы хӕрӕндоны. Бакодтой уголовон хъуыддаг, кӕцыйыл кусы Фӕдагуырды комитеты централон аппарат.
