ЦХИНВАЛ, 22 окт — Sputnik. Хуссар Ирыстоны арæнхъахъхъæнджытæ æрцахстой Ленингоры районы Ахмадз æмæ Балатайы хъæуты цур Гуырдзыстоны цыппар æмбæстаджы паддзахадон арæны сæрты æнæзакононæй рахизыны тыххæй, хъусын кæны Паддзахадон æдасдзинады комитеты (ПӔК) пресс-службæ.
Ӕрцахстуæвджытæй дыууæ сты тбилисаг динамонджытæ Гурам Лобджанидзе æмæ Джозеф Тетелошвили, уыдон феддæдуар кодтой республикæйæ æнæ иварæй æмæ равзæрстæй.
"Лабджанидзе æмæ Тетелошвили динамонджытæ кæй сты, уый тыххæй ПӔК-ы Арæнгæрон службæ аскъуыддзаг кодта раттын уыдоны гуырдзыстойнаг фарсæн æнæ иварæй", — банысан кодтой уагдоны.
Иннæ дыууæ æрцахстуæвæджы — хъæу Окамийы цæрджытæ Георгий Шаманаури æмæ Ясон Шукакидзейы фæдыл та цæуы равзæрст, бафтыдтой комитеты пресс-службæйы.
