ЦХИНВАЛ, 22 окт — Sputnik, Плиты Фатимæ. Хуссарирыстойнаг дизайнер Бекъойты Хох бавдыста йæ коллекци "Дыккаг уарзт" фæззыгон равдысты "BEAUTY DRIVE Show" Нальчикы. Ныр уый уыд ацы коллекцийы цыппæрæм рахызт подиуммæ, фехъусын кодта Sputnik Бекъойты Хох.
"Амæйразмæ ма йæ равдыстон Санкт-Петербурджы, дыууæ хатты та Дзæуджыхъæуы хицæн фæзуæттыл. Ам архайдтой куыд бæнæттон, афтæ ма æндæр цæгаткавказаг республикæтæй дизайнертæ, æдæппæт дæс коллекцийы. Уый у хорз фадат мæ коллегæтимæ зонгæ кæнынæн æмæ фæлтæрддзинад исынæн", — загъта Бекъойты Хох.
Дизайнер ма банысан кодта, ныр та куыст кæй цæуы йæ ног коллекцийыл.
Фæззыгон равдыст "BEAUTY DRIVE Show" ацыд хуыцаубоны, 21 октябры кæсæгбалхъараг стадион "Трудовые Резервы"–йы.
