ЦХИНВАЛ, 30 окт — Sputnik. Хуссар Ирыстоны ӕддагон разӕсгарӕн службӕйы (ӔРС) кусджытӕ 15 азы дӕргъы хъахъхъӕнынц республикӕйы суверенитет ӕмӕ территориалон иудзинад, никуы фӕсайынц бӕстӕйы къухдариуӕгад ӕмӕ адӕмы ӕууӕнк. Уый тыххӕй дзырдӕуы президенты арфӕйы ӔРС кусджытӕ ӕмӕ ветерантӕн, кӕцытӕ дыццӕджы нысан кӕнынц сӕ сӕвзӕрдыл 15 азы сӕххӕст.
"Сымах ӕххӕст кӕнут не 'мбӕстӕгты ӕдасдзинад ӕмӕ никуы фӕсайут нӕ бӕстӕйы къухдариуӕгад ӕмӕ адӕмы ӕууӕнк. Стыр бузныг уын уӕ ӕнӕфау службӕйы тыххӕй", — банысан кодта президент.
Бибылты Анатолий равдыста ныфс, зӕгъгӕ, разӕсгарджытӕ дарддӕр дӕр архайдзысты афтӕ хорз, фидар кӕндзысты сӕ профессионалон потенциал ӕмӕ ӕххӕст кӕндзысты сӕ хӕслӕвӕрдтӕ.
