Дыууæ цхинвайлаг боксеры стох кæндзысты Профцæдисты фыццагады Краснодары

© Sputnik / Из архива Ирбега Кокоева Кокойты Хетæг æмæ Аслан
Кокойты Хетæг æмæ Аслан - Sputnik Хуссар Ирыстон
Рафыссын
Дыууæ лæппу дæр сты боксы скъолайы сæхи кар æмæ уæзы категориты лидертæ, расгуыхтысты æппæтуæрæсейон ерыстæ "Юность России"-йы

ЦХИНВАЛ, 31 окт — Sputnik, Плиты Фатимæ. Сывӕллӕтты ӕмӕ ӕрыгон фӕсивӕды боксы скъолайы дыууæ хъомылгæнинаджы – Кокойты Хетæг æмæ Аслан стох кæндзысты Профцæдисты фыццагады Краснодары, фехъусын кодта Sputnik скъолайы минæвар Кокойты Ирбег.

Турнир у æвзарæн этап Ӕппæтуæрæсейон ерыстæм.

Цхинвайлаг боксертæ рамбылдтой Гасситы Мурæты призтыл турнир - Sputnik Хуссар Ирыстон
Фондз майданы: цхинвайлаг боксертæ рамбылдтой Гасситы Мурæты призтыл турнир

"Боксы скъолайæ ерыстæм раразмæгонд æрцыдысты дыууæ лæппуйы. Ерыстæ цæуынц 2003-2004 æзты гуырд спортсменты хсæн, ацы кары нæм лидертæ сты Кокойты Хетæг æмæ Аслан. Аслан у æппæтуæрæсейон ерыстæ "Юность России"-йы уæлахиздзау, Хетæг та призер. Спортсменты акæндзæн скъолайы тренер Куымæридтаты Родион", — загъта Кокойты Ирбег.

Уый ма банысан кодта, дыууæ лæппу дæр кæй цæттæ кæнынц Спорты скъолайы боксы секцийы хатæны тренертæ Плиты Азæмæт æмæ Кокойты Мурæты къухдариуæгадæй.

Æрыстæ цæудзысты 4-10 ноябры. Турниры призтыл тох кæндзысты 2003-2004 æзты гуырд фæсивæд. Спортивон мадзал нывонд у Уæрæсейы хъайтар, æфсæддон тæхæг Роман Филиповæн.

Ног хабӕртты лентӕ
0